Tercümesi
II.Mahmud
Kıdvetü'n-nüvvebi'l-müteşerr'in Ankara kadısı naibi Mevlana ......... zide ilmühü tevki'i ref'i'i hümayun vasıl olıcak ma'lum oldur ki Ankara kasabası Katib-i hümayunuma arz-ı hal edip bunlar sahihü'n-nesb sadat-ı kiramdan ve isbat-ı neseb eylediklerine yedlerinde İstanbul nükbasından mamul bir siyadet huccet ve temessükleri vakfiye-i mezbure toprağında bi'l-fiil zabt ve tasarruflarında hane avarızına bağlı tekalif alınmak icab eder kadimi re'aya emvalin ve yine mezbureye evamir-i şerife ile varide olan tekaliften tahammüllerine göre hisselerine isabet eden hisse-i mezbure ahalisiyle emr ve defter mucibince cem'ine memure olan ba rusum-i raiyyet ve bila emr-i şerif tekalif-i şakka mutalebesiyle ta'addi olunmak yine mezbure zabıtı tarafından hilaf-ı kanun rusum-i raiyyet talebini ve ehl-i örf taifesi caniplerinden dahi emr-i şerif tekalif şakka mutalebesiyle taadiden hali oldukların bildirip kanun üzere amel olunup kasaba-i mezbure zabıtı tarafından hilaf-ı şeriyye ehl-i örf taifesi caniplerinden dahi bila emr-i şerif tekalif-i şakka mutalebesiyle vaki' olan teaddileri men' ve ref' olunmak babında emr-i şerifim sudurunu istid'a etmeleriyle kanun üzere amel olunmak babında ferman-ı alişanım sadır .... emr-i şerifim sudur(buldukta) sadır olan emrim üzere amel dahi husus-i mezbure tamam mukayyed olup göre ... sahihü'n-nesb sadat-ı kiramdan olup isbatı neseb eylediklerine yedlerinde İstanbul nükebasından mamul bir siyadet-i hüccet temessükleri var ise ve kasaba-i mezbure toprağından bi'l-fiil zabt ve tasarruflarında hane avarızına bağlı tekalif alınmak icab eder kadimi bir ... ve yerleri yok ise kasaba-i ..... larda olan tekaliften tahammüllerine göre hisselerine isabet edeni kasaba-i mezbure ahalisiyle emr ve defter mucibince cem'ine memure eda eylediklerinden sonra kasaba-i mezbure zabıtı hilaf-ı kanun rusum-i raiyyet ve ehl-i örf (sahibi) caniblerinden dahi bila emr şerif mutalebesiyle taaddi rencide ettirmeyip men' ve def' edesin min ba'd kanun ve emr-i humayunuma muhalif kimesneye iş erdirmeyip husus-i mezbur için bir dahi emrim varid ....... eylemeyesin ve şöyle bilesin alameti şerife itimad kılasın.
imza mahsure-i kostantiniyye

Tercümesi
I.Abdulmecit
(Yazım Tarihi: hicri 1256, cemeziyelahir (miladi 1841, Ağustos))
'...kazalar muhassılı Zühdi zide mecdühü fahru'l-emasil ve'l-akran azayı meclis-i memleket zide kadruhum tevki'i ref'i humayun vasıl olıcak malum oldur ki Ankara kasabası sakin-..... isbat-ı nesp eylediklerinden İstanbul nakibü'l-eşrafı tarafından yedlerinde ma'mul bir huccet ve temessük ve kasaba-i mezbure toprağında bi'l-fiil zabt ve tasarruflarında hane avarızına bağlı tekalif olunmak icab eder......kasaba-i mezbure ahalisiyle mean cum'a eda ederler iken kendilerinden rüsum-i raiyyet ve bila emr-i şerife tekalif-i şakka mutalebesiyle taddi olduğundan kanun üzere amel olunmak .... evail-i rebiü'l-ahirinde merkumun oğulları Seyyid İbrahim ve Seyyid Ali Seyyid Mehmed ve diğer Seyyid Mehmed ve diğer Seyyid İbrahim ve Seyyid Yusuf ne diğer Seyyid Yusuf ve Seyyid Abdullah ve Seyyid Süleyman ve Seyyid Emin ve Seyyid ..... olan emr-i alişan cülüs ü hümayun li'l-makrun bi'ş-şahanem şeref vukuuna mebni tecdidi lazım gelmiş olduğu beyanıyla tecdiden emr-i münifi itası bu defa arz-ı hal (dest-i Nihal) olunmakla divan-ı hümayunumda ...... sadat-ı kiramdan olup isbat-ı nesep eylediklerinde yedlerinde Dersaadetin nakibü'l-eşrafı tarafından memhur ve mamul bir senedi olanlardan ve bir kasaba ve karye ahalisi üzerlerine ba evamir-i aliye varid olmakla ..... ..... isbat edeni ol kasaba ve karye ahalisiyle cem'ine memure eda edenlerden resmi raiyyet ve bila emr-i şerife tekalif-i şakka ve ziyade hisse teklifine mutalebe olunmak kavanin-i sabıka .... ve kurada kain ahalinin emvail ve arazisi ve mahsulleri marifetleriyle bi't-tahrir havas ve evkaf ve muaf ve gayri muaf siyak tutularak ahalinin vergisine herkesin hal ve tahammülüne göre .... azayı meclis marifetleriyle muvafık ve tahkik ve tanzimatı hayriyye layıkıyla ve tevfikiyenin iktizası tesviye ..... Olunmak husus meclis-i valayı ahkam-ı adliyemde ittifakı eda ile karargir.. kavanin kılınmış olmakla vech-i meşruh üzere amel olunmak fermanım olmağın imdi siz ki müşir-i müşar naib ve azayı meclis-i memleket muma ileyhim .... olunduğu üzere .... senetleri olduğu halde resm-i raiyyet ve bila emr-i şerif tekalif-i şakka mutalebesiyle taaddi olunmaması ve kasaba-i merkume ahalisi üzerlerine evamir-i aliye varsa vücuda ve kuvve-i maliyelerinin derecesine tatbiken ber mucib-i şurut ber vech-i ta'dil iktizasının icrası hususuna mubaderet ve tarafı eşref-i padişahanem için sadır olunmuş ...... imtisalin mazumunu ile amil ....... olasız şöyle bilesiz alamet-i şerife itimat kılasız tahriren fi evail-i şehr-i cemaziyel ahir sen sittun ve hamsun......
Mahruse-i kostantıniyye'

Haymana Yukarısebil(Şavlu) Fermanı